Babaye gibawian og cellphone sa uyab

USA babaye ang gibawian og cellphone sa giingong uyab niini nga foreigner niadtong milabay nga adlaw.

Una na nga nagpatala sa kapolisan si Lucien Franklin Ross Jr., 67, usa ka American National nga taga Nevada, USA, apan temporaryong nagpuyo sa JP Suits T. Neri Streets, dakbayan sa Cagayan de Oro.

Giakusahan ni Ross si Hansel (bansagon gitago) nga nikuha sa iyang cellphone.

Sa impormasiyon, nasayran nga unang nagpatala si Ross ug gireklamo ang maong babaye tungod kay wala na makabalik human niya gisugo pagpalit og cellphone sa mall.

Dihang gitawagan ni Ross ang babaye, giingong nasuko kini ug nisaad nga iya ra nga i-uli ang cellphone apan wala na kini mitunga.

Samtang sa bahin usab ni Hansel, gihimakak niini ang alegasyon ug niingon nga hinatag ni Ross ang iPhone 7.

Sulod mismo sa estasiyon sa kapolisan, gibawian ang babaye kinsa usab boluntaryo na lamang niini nga gitunol kang Ross ang Apple iPhone 7 nga nagkantidad og P37,990 lakip ang charger/USB ug wireless earphone.

Sa pagsulat niini nga balita, ang insidente ang nakatala sa buhatan sa kapolisan sa Police Station 1 sa Divisoria samtang ang mga butang ang anaa na sa langyaw.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph