GIINGONG wala nay mas molabaw pa sa mga hagit ug kadungganan kung kini tiunay lamang ang pag-alagad labi na diha sa publiko.

Kini ang nasukip sa kasingkasing ug hunahuna sa pagpangalagad sa atong bida nga si Police Senior Inspector (PSI) Rowena Martinez-Jacosalem kinsa maoy usa sa mga kugihan nga babayeng pulis sa Women and Children's Protection Desk (WCPD) sa Panabo City Police Station.

Di malimod ang iyang pagkakugihan diha sa pagpangalagad gumikan sukad pa niadto sa iyang kabatan-onan aktibo na siya sa Sangguniang Kabataan (SK) ug gani nahimo siyang opisyal niini sa ilang lugar.

Gani wa niya damha nga mahimo siyang usa ka pulis gumikan nagtumong lamang siya nga makaangkon og bisan unsa nga maayong karera sa kinabuhi diha sa gobyerno.

"I never dreamed of becoming a policewoman. It just happened. I only want to have a good career in the government. My mother was bedridden that time when I took oath on September 16, 1998. No one in my family knew that I was admitted in the PNP. They just knew after and even my mother had no idea what was the training all about. Two weeks after the oath, we were allowed to go home and she saw me bald my face sunburnt. She wanted me to quit kay dili sya mosugot malagoman akoang nawong," pagsaysay sa atong bida.

Sa samang tuig, mipanaw ang iyang inahan, ug aron mahupay ang kasakit sa iyang dughan, iyang gi-pokus ang iyang kaugalingon ngadto sa iyang police training.

"Nag-focus na lang ko sa training to help my siblings to finance their studies until I finished the training. I went to PNPA supposed to be class 2002 but then again, my father got married again without our knowledge, and left behind my younger brothers so I was forced to quit to look after them until they finished their studies," sulti niya.

Garbo sab sa atong bida nga ang usa niya ka igsuong lalaki, pulis sab, samtang ang ilang kamanghuran naa sa negusyo ug ang iyang usa ka igsuon mibiya na sa kalibutan niadtong tuig 2015.

Luyo sa mga panghitabo, mas napun-an pa ang kadasig sa iyang kaugalingon sa kalibutan sa pulisya, maong aron mas madungagan pa ang kaalam, mikuha siya og 36 units sa Masters in Public Administration sa University of Southeastern Philippines (Usep) Obrrero Campus, Davao City niadtong 2002.

Sa tuig 2015, iyang natapos ang Master's in Public Management sa Mandaue City College sa Cebu City.

Sama niya nga anaa mitatak sa kasingkasing ang dedikasyon sa trabaho, iyang naingon nga usahay nasakitan sab siya labi na sa mga higayon nga sawayon ang ilang organisasyon.

"I am hurt. As a police officer and a human being, we only have to choose between good and bad… Fragile man god ang image sa police so on our part we have to be careful. That is why our commitment, sincerity, honesty and other good values should be reinforced. Personally, to show that not all police are bad, I worked hard as I can and persuade my subordinates to do the same," butyag ni PSI Jacosalem.

Tungod sa kakugi, gugma ug dedikasyon sa trabaho, usa siya sa nalakip sa Ten Outstanding Policemen sa Davao del Norte Provincial Police Office (DNPPO) ug napasidunggan, Pebrero 1, 2017.

Lakip sa napasidunggan nga mga pulis mao sila PSI Dexter Cuevas, PCI Ruth Dizon, PSI Lurobe Rojo Jr., SPO1 Mary Joy Hapitan, SPO4 Joseph Estrada, SPO1 Savarte Biating, SPO2 Roldan Rubion, PO3 Reynante Balacuit, ug PO2 Paciano Ramirez Jr, PO1 Jade Cuamag isip Rookie of the year Awardee samtang ang Kapalong Municipal Police Station giila isip Best Police Station sa probinsiya.

"I did not expect to be one of the Ten Outstanding policemen but then I am grateful for the recognition. Trabaho lang po," dugang niya.

Uban sa iyang maayong mga plano, natukod ang WCPD Psychotheraphy Room alang sa mga domestic violence ug ang ilang Pink Patrol Car nga maoy usa sa mga unique di lang sa Davao del Norte apan lukop nasud.

Gipaambit sab sa atong bida ang iyang serbisyo sa mga nagkadaiyang publiko nga tunghaan bahin sa ilang gihimo nga Pulis Gabay Patrol program (Best Practice of Davao del Norte PPO), ug daghang mga Sangguniang Bayan Resolutions (LGU Sto. Tomas) nga nagdayeg kaniya sa iyang mga operational accomplishments ug daghan pa.

Mapasalamaton siya nga nakauban ang iyang kapikas sa kinabuhi nga usa sab ka pulis nga si Police Inspector Danielo Paz Jacosalem ug gikasal sila tuig 2002 human namatay ang asawa ni PI Danielo sa balatian nga Leukemia ug duna silay anak nga 3-anyos nga lalaki ug usa ka tuig nga babaye sa pagkasal kanila ug dangtan og duha ka tuig nagkaanak sila og babaye.

Gisaysay sa atong bida kung paunsa nagdula sa ilang kinabuhi ang kapalaran human iyang giangkon nga niadtong gagmay pa sila, childhood crush na niya ang iyang bana gumikan atbang lamang sila'g balay, apan dili kaayo siya makig-istorya niini, gumikan pito ka tuig ang labaw sa edad sa iyang bana ngadto kaniya.

"Wala pa ko kabalo that time nga nagkuyog na mi sa opisina nga biyudo na diay siya after 2 months nga dili magtagad kay maulaw pa ko. Till kami na pirmi pares sa operation kay buddy-buddy man. Wala magdugay nanguyab, gisugot ug nangasawa," paglab-as sa atong bida sa iyang matam-is nga kagahapon.

Bisan pa man sa kapigado sa trabaho isip pulos pulis, gihatagan gayud og panahon ang pamilya.

"Ako ang naga-adjust sa time. But one thing I love most is that, I found bundles of friends. Pag nasa bahay ako, we will end up having picnic in the house the whole day na kainan libre at ako ang cook. So friends nila friends ko na rin. Kahit minsan inis ako, nakiki tease ako sa mga crush crush topics," dugang saysay sa atong bida.

Ang atong bida gianak nila Ramon ug Genara Martinez niadtong Agosto 4, 1974 sa Project 3, Quezon City.

Nagtungha siya sa Compostela alang sa iyang elementarya ug sekundarya ug mihuman sa iyang kursong AB English sa Bukidnon State College-Compostela Center niadtong 1995, ug iyang nahuman ang BS Criminology sa Agusan Institute of Technology niadtong 2009.

PSI Rowena Martinez-Jacosalem, saludo kami kanimo, ma'am!