MANILA -- Ang Philippine Sports Commission (PSC) maglusad karong tuiga og bag-ong Philippine National Games (PNG) nga dunay P5 million ihatag ngadto sa overall champion delegation ug pakusgan ang partisipasyon sa mayors ug governors.
Si Philippine Sports Commission (PSC) chairman William "Butch" Ramirez, atol sa strategic planning sa Philippine Sports Institute (PSI) regional coordinators sa PhilSports Multi-purpose Arena sa Pasig City niadtong Huwebes, miingon ang PNG 2017 salmutan sa mayors ug governors sa nagkadaiyang local government units (LGUs) aron mahimong aktibo sa pagpreparar sa ilang atleta ug coaches alang sa nagkalain-laing qualifying Games.
"We will have the Luzon Games, Visayas Games and Mindanao Games as qualifying legs then champions will advance to the PNG," niya pa.
Ang Mindanao Games himuon karong Mayo samtang ang Visayas Games sa Hunyo 19 hangtud 23 sa Iloilo ug ang PNG ipahigayon sa Cebu City sa Disyembre 4 hangtud 9.
Ang nagpabiling upat nga nanguna sa delegasyon makakuha og P4 million, P3 million, P2 million, ug P1 million diin niya pa nga mahimong gamiton alang sa ilang grassroots sports programs.
Dugang ni Ramirez nga ang PNG mao ang basehan sa pagmugna og nasyonal tims alang sa internasyonal kompetisyon sama sa Southeast Asian (SEA) Games, mao na kini challenge alang sa nagkadaiyang national sports associations (NSAs) nga balibaran ang mikampeyon sa PNG sa pag-apil sa nasyonal team nga mahimong hinungdan sa kasuko sa mayors ug governors.
"Malaking away yan with the mayors and governors if di kunin ng NSA ang nag-champion na athletes nila. Now it will not only be the PSC that will fight the NSAs and POC (Philippine Olympic Committee) for the athletes' welfare kasama na rin ang mga mayors and governors," ni Ramirez, ug dugang nagkanayon nga di molampos ang grassroots development program kung wala ang suporta sa mayor ug governors.
Iyang gisaysay ang mga luoy nga atleta ug coaches kinsa gitanggal sa nasyonal tim sa ilang NSAs nga way proseso.
"Other countries are recruiting (athletes), sa atin tinatapon natin," ni PSC chief.
Niya pa gisulti sa POC nga ang PSC mosuporta hangtud Tokyo 2020 Olympics apan dunay pirmiso nga, "mahalin ang atleta at coaches, ayusin ang mga away at mga unliquidated and unify sports".
Kung dili kini buhaton, kuhaon sa PSC ang pundo ug ibutang nila kini sa grassroots sports programs pinaagi sa PSI.