SAN MIGUEL, Bohol – Mokantidad sa P3.5 milyones ang nasunog nga kabtangan ug establisemento atol sa sunog nga miigo pasado alas 2:00 sa kadlawon sa usa ka tindahan sa may Poblacion, San Miguel, Bohol niadtong Mayo 30.

Ang tindahan gipanag-iya sa usa ka Misael Bapelar, 47, ulitawo ug residente ra usab sa nahisgutang lugar.

Pasado alas 3:30 na sa kadlawon naundang ang sunog gumikan sa tabang sa Bureau of Fire Protection (BFP) sa lungsod lakip ang tupad nga lungsod niini ug ang mga residente sa lugar.

Sa pasiunang pagpakisusi sa BFP, adunay wa matarong sa electrical wiring system sa tindahan.