DUMAGUETE CITY - Nasakmit sa mga sakop sa kapulisan ang giingong sobra sa tunga sa milyon nga kantidad sa shabu niadtong miaging adlaw sa may Zone II Barangay Looc ning dakbayan.
Ang suspek nga nakuhaan sa shabu giila nga si Melicio Semetara alyas “Michael” apan naka-ikyas kini atol sa pagpangronda sa balay sa suspek.
Ang mga sakop sa City Anti-Illegal Drugs Special Operation Task Group ug City Intelligence miadto sa balay sa suspek dala ang search warrant nga giisyu ni Judge Gerardo Paquio Jr.
Pag-abot sa lugar ila gilayon nga gisilbi ang search warrant apan ang suspek nakabantay sa presensiya sa kapulisan ug nakamaneho sa pag-eskapo.