DUMAGUTE CITY - Patay diha-diha ang usa ka lalake nga kanhi sakop sa Civilian Army (CA) human gi-ambush sa tulo ka wala mailang mga batan-ong lalake sa dakbayan sa Guihulngan.
Ang biktima giila nga si Jessie Jocson, 43 ug mulupyo sa Barangay Luz sa naasoyng dakbayan.
Sumala sa imbestigasyon sa kapulisan nga ang biktima nagsakay sa iyang motorsiklo paingon sa Linantuyan sa bukirang barangay sa Guihulngan.
Pag-abot sa biktima sa lugar kalit lang kining gipauwanan og bala sa wa matinong mga kalibre sa armas. Giingong tulo ka mga batan-ong mga lalake nga dunay pangedaron nga 17 ngadto sa 20 ug nagkanayon nga naglakaw lang nga mibuhat sa krimen.
Si Jocson nakabsan sa iyang kinabuhi diha-diha human nakaangkon kinig daghang samad pinusilan sa nagkadaiyang lawas niini.
Sa dugang imbestigasyon nga ang biktima kanhi sakop sa CA sa Negros Occidental nga nadestino sa Sikatuna Detachment ug dugay nang gisaligan sa mga sundawo.