Talk to Papa Joe: DJ ng buhay ko

Dear Papa Joe,

AKO si Dadah, studying diri sa Cebu. I’m in love with a disco DJ. Mag 5 months na mi ron and going strong.

Pero insecure ko niya kay daghang chicks ganahan niya if mag mix na siya. Ang nakapait lang kay naapektuhan akong pagtuon kay mokuyog ko niya kon asa ang gig para mabantayan nako siya.

rUnya mao di na hinuon ko kaeskwela inig ka next day kay kapoy. Sa among pagka five months, okay ra kay respeto siya nako.

Way time ni-ask siya nako og something nga lisod ihatag. Okay ra nako pero bilib ko kay wa niya gidayon.

Karon kay nasakpan ko sa akong parents nga gagmay ko og grado sa school. Papulion ko nila sa Leyte which is lisod nako kay mabiyaan nako akong uyab. Kuhaon na ko sa akong mama end of the month kay paundangon ko kay basin unsa pay mahitabo nako.Unsa may angay nakong buhaton. Please tabangi ko.

DADAH

Dadah,

Di bati mag-uyab-uyab basta tan-aw nimo makatabang sa imong kaugmaon. Pero kon kadaot lang mahimo mas maayo mopahuway sa ka kay di lalim ang sakripisyo sa imong parents sa Leyte para maka school ka diri.

Barely 5 months pa mo sa lalake, mao makasulti ta nga respitado siya pero ang problema naa nimo kay insecure ka.

Ang madaot ikaw. Unya di lalim ang gasto ron nga imong giusik sa gamayng grado?

Wa sab nimo masaysay pila ang edad sa DJ ug naa ba siyay stable job. Ang paet kana ray iyang gisaligan, gawas kon siya ang tag iya sa sound sysyem kay makaingon ta negosyante. Remember, Day, ang kasikatan mohupas ra.

Mas maayo nga i-encourage nimo siya to pursue a better career kay too late na unya if ma hook siya diha.

Mamisita siya sa inyo kon ikaw ang gipitik sa iyang kasingkasing puhon ug maninguha ka nga ma-impress nimo imong ginikanan.

PAPA JOE

(papajoesuperb@gmail.com)