SI National University netter Jeleardo Amazona, kinsa taga-Banaybanay sa Davao Oriental, abante sa final human gipildi ang iyang kalaban sa semifinals sa ikaduhang adlaw kang 4th National Students Championship Qualifying Tryouts-Graham C. Lim Classic Cup didto sa Ecoland Phase 4 Tennis Club Courts.

Si Amazona, kinsa miduwa alang sa Davao City sa 9th Bimp-Eaga Friendship Games sa Samarinda, East Kalimantan sa Indonesia, gipalagpot si Jay Kabigting sa University of Mindanao (UM), 6-4, 6-0.

Samtang si Reagan Sorima sa Notre Dame sa Marbel gipildi si UM's Aldwin Libaton, 6-4, 7-5, sa ilang quarterfinals.

Ang women's semifinals matches gidulaan nila Sharryl delos Santos sa Holy Trinity College of General Santos City batok Jhullie Elle sa UM ug Lian Dizon kontra Doriz Bagohin sa UM.

Sa kinatibuk-an 48 ang miapil sa tulo ka adlaw nga torneyo diin ang modaug makakuha sa all-expense paid trip sa Chinese Taipei competition alang sa manguna sa men's ug women's dibisyon.