Life with JJ Life Lessons from a Special Mom' ni CG C. Maque gilusad

GIPAHIGAYON ang book launching sa "Life with JJ Lessons from a special Mom" sinulat ni Candice Grace Cabras Maque sa SM City Cebu event center niadtong Dominggo, Pebrero 19, alas 10:00 sa buntag.

Ang "Life with JJ Lessons from a special Mom" naghulagway sa kasakit ug kalipay ni Maque sa pag-amuma ug pagpadako sa iyang anak nga si Jerry II o gitawag nila og 'JJ' nga adunay Down Syndrome. Naghulagway sab kini sa nagkadaiyang mga pagtulun-an sa uban.

Ang awtor sa libro nga si Candice Grace Cabras Maque usa ka magtutudlo sa English sa usa ka pampublikong tunghaan sa Talisay City, Sugbo ug miyembro sab siya sa Down Syndrome Association of the Philippines Cebu Chapter.

Kini maoy iyang labing unang libro nga nasuwat tungod sa iyang inspirasyon sa wal sama niyang pag-amuma ug gugma alang sa iyang anak.

Matod ni Maque dili sayon alang kaniya sauna ang pagdawat ang adunay anak nga adunay Down syndrome apan tungod sa nagkadaiya niyang mga eksperinsiya nga naagian sa pag amuma ug pag padako kang JJ, nakita niya ang mga kahibulongan ug ang mga pag tulon-an sa kinabuhi.

Alang kang Maque, ang iyang anak nga si JJ ang nagsilbi niyang instrumento ug inspirasyon sa pag suwat ug iyang gipaambit sa uban kung unsa ang laing bahin sa espisyal nga pagkaginikanan.

Sa pagsukli sa mga gihatag sa Ginoo kaniya nga mga blessings iyang gipaambit sa uban kung unsa kaanindot ug ka bulahan ang magka-anak og usa ka special nga anak.

Dugang ni Maque, ang labing maayong paglun-an nga iyang nakat-onan sa nagkadaiya niyang kasinatian mao ang pagdawat sa unsa ang gihatag kaniya. Mhike Dominique C. Fernandez ug Diana Grace G. Pila, USJ-R BA Comm. Interns

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph