TALISAY City Treasurer Emma Macuto mipahibawo nga nga adunay pagsaka ngadto sa 30 porsiyento sa nakolektang business tax karong tuiga itandi sa miaging tuig.

Iyang gibutyag nga ang iyang buhatan nakakulektag  P75,612,208 gikan sa Enero 3 ngadto sa 30 ning tuiga.

Matod ni Macuto, nga base sa ilang record, adunay pagsaka ngadto sa 30 porsiyento itandi sa miaging tuig nga naka kolekta lang sila og P58,001,933.15 sa mao gihapong nga buwan ug petsa.

Nagkanayon si Macuto nga milapas ang ang ilang gipaabot nga pasaka tungod kay 10 porsento raman ang ilang gipaabot nga pagsaka business tax.

Gipasalig ni Macuto, modako pa kini kon ila na og mahingpit ang ilang record tungod kay nagsige pa man og record ang iyang mga tawo tungod kay bisan karon daghan paman gihapon ang mibayad.

Usa sa gitumbok ni Macuto nga rason sa pagsaka tungod kay mibayad naman og balik sa ilang buhis ang manindahay sa Tabunok Public Market nga wala na mobayad sa milabayng duha ka tuig.

"Kani uban tag merkado two years nga wala kabayad from 2015-16. Unya ubay-ubay ang nang-renew kaysa last year nga menus ang pagpamayad sa tax payers. Wala ta kahibaw unsay rason nganung nikugi ni sila," dugang niya.

Samtang gipahibawo ni Ma­cuto nga sa sunod tuig ila na unyang pasakaan og 10 porsiyento ang ilang bayranan sa business tax.

Kini tungod sa mandato nga gihatag sa Bureau of Local Government of Finance nga amendahon ang ilang revenue code matag lima ka tuig.

Sa pagkakaron, ang ilang revenue tax code nga gisunod nauyonan niadto pang 2012.

Giklaro ni Macuto nga kon unsay ilang mauyonan nga umento sa bayranan sa buhis apil na ang real property tax karon, apan unya pa kini mapatuman o mepekto sa sunod tuig 2018.