ARMADO nga lalake nga namugos sa pagsulod sa pinuy-anan ni Lapu-Lapu City Mayor Paz Radaza ug Kongresista Aileen Radaza sa Brgy. Mactan niadtong Sabado nabilanggo.
Giila ang suspek nga si Wilfredo Abapo, 50, adunay live-in partner nga taga-Sityo Katipunan, Barangay Labangon, dakbayan sa Sugbo.
Asoy ni P03 Samuel Evalle, Police Station 2 - Lapu-Lapu City Police Office nga niadtong Sabado sa 1:20 sa hapon, si Abapo namugos pagsulod sa gate sa mga Radaza kay matod pa mamista.
Niadtong Sabado gisaulog sa Brgy. Mactan ang kapistahan ni Snr. Santo Niño ug naandan sa mga Radaza nga bukas kini sa tanan.