MINDAOG ang mga sakop sa Cebu Executives and Professionals Chess Association (Cepca) sa ilang kaparang nga mga babaye sa Cepca B vs. Cebu Lady Woodpushers sa miaging adlaw sa Knight Attack Chess Cafe sa Robinsons Galleria-Cebu.
Sa 23 ka mga parisan, ang Cepca B nakatigom og kinatibuk-ang 28 puntos human sa duha ka rounds samtang ang Cebu Lady Woodpushers nakahakot lang og 18 puntos.
Sa unang round, ang Cepca B adunay 14.5 puntos samtang ang CLW nakakuha lang og 8.5 puntos.
Ningpatigbabaw og balik ang Cepca B sa ikaduhang round, 13.5-9.5. Walo ka mga magduduwa sa Cepca B ang nakaposte og prepektong 2.0 puntos batok sa ilang tagsatagsa ka kontra. Ang mga babayeng nakahimo perpektong 2.0 puntos mao sila si Aireen Robillos ug Regina Quinanola.