MIUYON ang Sacramento Kings nga buhian ang ilang pambatong si DeMarcus Cousins alang sa usa ka blockbuster trade sa National Basketball Association (NBA) nga maglambigit sab sa New Orleans Pelicans, basi sa nanggawas nga mga taho kagahapon.

Sa taho ni Adrian Wojnarowski sa The Vertical, mibutyag ang mga sinubdan nga isip baylo, ihatag sa Pelicans sila si Buddy Hield, Tyreke Evans, Langston Galloway ug 2017 first ug second round picks ngadto sa Sacramento.

Mabalhin sab sa Pelicans ang forward sa Kings nga si Omri Casspi isip tipik sa kasabutan. Sa Pelicans, si Cousins makigtambayayong kang Anthony Davis, kinsa maoy napiling MVP sa All-Star Game kagahapon human kini mibuak og rekord pinaagi sa iyang 52 puntos.

Atol sa news conference human sa All-Star Game, si Davis gi­pangutana kabahin sa pagbal­hin ni Cousins sa ilang balwarte.

“He’s a great player, dominant in this league, of course, with all the numbers he put up. But I haven’t heard anything. So I’m going to let the management, once again, do what they do, and when the time is right, they’ll come talk to me about it. Of course, DeMarcus is an elite player in this league,” tubag ni Davis.

Sa kasamtangang season, si Cousins nag-average og 27.8 puntos, 10.7 rebounds.