DEAR Tita Heart,

Maayong adlaw nimo Tita. Ako si Ramel taga Camiguin ug akong problema tita akong asawa nga banhaan kaayo.

Gamay nga sayop nako singgitan ug suko dayon siya. Lami na kaayo biyaan pero asawa ko man gud ug gakahadlok sab ko. Unsay paagi nga dili na siya magsige og banha dinhi sa among balay?

Ramel

*****

Hello Ramel,

Maayong adlaw sab kanimo.

Siguro kon mohilom imong asawa pangitaon pod nimo iyang kabanhaan hehe. Bitaw naa gyod asawa nga ingon ana. Ayaw pod siya i-tolerate ug kinahanglan imo siya badlungon aron aware siya nga dili na mayo iyang gihimo kay maghatod man samot kasamok ang iyang pagsaba-saba. Lambinga rana imong asawa diba mohilom rana.

Tita Heart