NAISAHAN sa pick-up girl ang usa ka lalaking minyo human gilayasan dala ang pitaka niini niadtong Dominggo sa hapon, Pebrero 19, sulod sa usa ka motel sa Cruz Taal–Burgos Streets ning dakbayan sa Cagayan de Oro.
Ang biktima naila nga mao si Jaime (bansagon gitago), 42, minyo nga taga Caritas Village, Indahag ning dakbayan samtang ang pick-up girl naila nga si Jennalyn (bansagon gitago), 18, lumad sa Quisolon, Bukidnon ug usa ka sex-worker.
Sa nahipos nga impormasyon gikan sa Police Station 1 sa Divisoria nasayran nga nagkasabot ang duruha nga magtagay sa kalipay sulod sa usa ka motel.
Nisulod sa comfort room ang biktima apan sa iyang paggawas wala na ang iyang pitaka nga dunay sulod P2,300 ug ang babaye.
Nasikop ra usab ang suspek human nitaho sa kapolisan ang biktima.