MISAAD si LeBron James ug ang Cleveland Cavaliers nga mohimo og adjustments human sa mga sipyat nga ilang nahimo nga maoy hinungdan sa ilang kapildihan kagahapon batok sa Golden State Warriors, 100-108, sa National Basketball Association (NBA) Finals series Game 1.

Si James, 4-time MVP, nag­bangis ug nagpakatap kini’g 44 puntos apan sa iyang pamati, ku­wang ang ilang kumonikasyon sa usa’g usa hinungdan sa ilang kapildihan.

“We all have to be better, including myself,” matod ni James, kinsa nasipyat sa iyang layo nga jumpshot sa nahabiling 3.6 se­gundos sa regulation period nga magpadaog unta sa Cavaliers.

“I don’t think I was great. I’ve got to do better things out on the floor to help us be more precise offensively. I’ve got to communicate a little bit more defensively to help our team get over the hump.”

Gipasabot ni James nga dag­han og mga oportunidad nga ma­kapadaog unta kanila apan ilaha kining nausikan.

Napungot si James sa ilang gipakitang duwa sa overtime diin igo lang silang nakahimo og duha ka mga puntos kumpara sa 10 sa Warriors.

“We really only had zero points as I got the lay-up at the end, but that didn’t mean much because they did a good job closing it in overtime,” asoy ni James.

“We had a few miscues defen­sively, had a couple of turnovers offensively, but we were right there. They just made a couple more plays than we made.”

Nabalaka sab si James sa iyang kauban nga si Kyrie Irving, kinsa naangol na sab sa overtime ug kuwestiyunable pa kining makaduwa sa Game 2 nga ipahigayon karong Lunes (RP time).

Gipasabot ni James nga saksi siya kon unsa’y paningkamot ni Irving sa miaging walo ka mga adlaw aron nahingpit ang kondisyon niini alang sa finals.

“Seeing him walk out of the locker room on crutches just now, that’s a tough blow for our team,” asoy ni James. (AP)