USA kini ka seryuso ang alegasyon nga giluwatan ni retired SPO4 Arturo Lascañas, ang nangangkong lider sa Davao Death Squad (DDS)sa patay may kalambigitan ni Presidente Rodrigo Duterte.

Kon atong dasunan ang pag-angkon ni Lascañas sa nahitabong patay nga gihimo sa DDS ubos sa kamandoan ni Duterte sa dihang mayor pa sa Davao, puwe­r-ting kadako niini nga isyu.

Tiaw moy apil sa gi­pa patay ni Duterte ang duha ka igsuon ni Lascañas, komentarista nga si Jun Pala ug uban pang mga biktima nga wapa mahatagi ug hustisya hangtud karon.

Lig-on kining saksi ug posibling magamit nga state witness si Lascañas batok sa presidente. Apan dili kini mahitabo sa pagka karon kay immune from suit kon dunay immunity ang presidente sa bisan unsang kaso.

Hinuon, d iba magamit kini nga sukaraman sa pag impeach sa presidente?

Makakuha ba kini og suporta sa mga magbabalaod?

Way lalis dunay mga maa­yong butang nga nahimo ang presidente sama sa katu­yoan sa pagsumpo sa korapsyon, pagtabang sa mga kabus ug maayong katuyoan sa pagsumpo sa drugas, apan sayop lang ang pamaagi nga gihimo niini.

Si Lascañas maoy nisuporta karon sa pangangkon ni Edgar Matobato ang mibarog ug nangangkong nga miyermbro sa DDS sa siyudad sa Davao. Apan kaniadto gisaway ug gipanghimakak ni Lascañas ang pasangil ni Matobato atol sa gihimong Senate hearing.

Apan karon naghiusa na sila. Mao nga dako akong bilib sa mga tawo o grupo nga maoy responsabli sa pagkombinser ni Lascañas sa pagtug-an sa tinood.

Mao nay ilang giingon nga way aso nga makomkom. Og ang konsensya na gani ang maghari mogawas gayud ang kamatooran.

Hinuon, ang pasangil ni Las­cañas gipanghimakak ki­ni sa Malakanyang.

Aksyuni Mayor

Para nako, panahon na ang paghimo ug aksyon ni Mayor Paz Radaza sa pangabuso nga gihimo ni Marvin Francisco, lider sa Material Recovery Facility sa kagamhanan sa Lapulapu.

Sa nadawat nakong reklamo ( Mata sa Agila ) ug ang pormal unya nga pagduso ug kaso ngadto sa buhatan sa Ombudsman maglabad gayud unya ang ulo ni Francisco.

Sama sa paghikaw sa pagha­tag sa mga benepisyo sa mga trabahante sa iyang buhatan.Apil na niini ang isyu sa moralidad ug kasong pangurakot.

Si Radaza di man sab tingali molaban sa iyang mga tawo nga nagpabadlong. Wa lang tingali moabot sa dunggan sa mayor ang kontrobersya. (efren_lonzon@yahoo.com Text:09427930111)