BAYBAY CITY, Leyte - Gipasidunggan ang kapulisan sa Baybay City isip numero uno nga nagmalampuson sa implementasyon sa Project Double Barrel.Kini naglangkob gikan Hulyo 1, 2016 hangtud Disyembre 31, 2016. Ang Baybay City Police Station usa sa 41 nga police stations ubos sa Leyte Provincial Police Office (LPPO). Gipasigarbo sa kapulisan ning istasyon nga sa 41 ka istasyon, sila ang numero uno sa implementasyon sa kampanya batok ilegal nga drugas. Ubos sa hurisdiksyon sa Baybay Police ang lugar diin napatay si anhing Albuera Leyte Mayor Rolando Espinosa Sr. ug laing inmate nga si Raul Yap.