GIKAN sa All-Star break, mobalik ang aksyon sa National Basketball Association (NBA) karon pang Biyernes (RP time) dungan sa deadline sa NBA trade ug ning higayuna, ang inilugay og luna sa finals gilaumang mas mohugot.

Si Cleveland Cavaliers superstar LeBron James motutok og balik sa iyang ti­nguha nga makataak sa finals sulod sa pito ka sunodsunod nga higayon, ang Golden State Warriors naglaraw sab nga makaabante sa finals sa tulo ka sunodsunod nga mga tuig samtang si Oklahoma City Thunder Russell Westbrook nagtinguhang makakulit og kasaysayan.

Ang panagsangka og balik sa defending champion Cavaliers ug Warriors mialis­ngaw na’ng daan bisan wala pa nagsugod ang season apan ning panahon sa NBA trade, ang ubang teams adunay kahigayunan nga makapalig-on sa ilang puwersa aron mabaraw ang Cavaliers ug Warriors.

“It’s motivating. It’s great. To know that everyone is trying to build their team or wanting to get their team to try to get to where you are and try to knock you off, it’s a motivating factor,” matod ni James.

“It’s also a humbling factor that to know that I’ve been in this position for so long. I want to continue to work my habits, train my body, train my mind, and work on my game every day to put me in a position to be successful.”

Ang Cavaliers kasamtangang nag-una sa Eastern Conference dala ang 39-16 nga rekord.

“As the leader of the team, I’m fine with what we have, and we’ll continue to push forward,” dugang ni James.

“I’m comfortable with whatever coach wants me to do out on the floor. Whatever he gives me to do, I can figure it out.”

Ang Warriors tatawng nakauyon sa ilang poruhan human nila nakuha si Kevin Durant gikan sa Oklahoma City Thunder.

Ang Warriors kasamtangan sab nga nag-una sa Western Conference bitbit ang 47-9 nga rekord.

“Win a championship. That’s it. That’s why we play, to realize that dream,” matod ni two-time NBA MVP Stephen Curry. “We know, having won before, exactly what it takes. Having been on the losing side, we know how thin the line is between winning and losing. That’s what it’s all about.”

Sa sayo bahin sa season, naglisod pa si Curry sa pagpakigbahin sa opensiba sa Warriors nila ni Durant ug Klay Thompson.

Apan dihang naka-adjust na ang tulo sa ilang tagsatagsa ka obligasyon, migawas na ang gilaumang kabangis sa Warriors.

“It has been fun,” matod ni Durant. “It has been a great season. We’re winning games. Chemistry is good. City is nice. Coaches are cool. It’s pretty simple.”

Sa iyang babin, si Westbrook posibleng mahimong ikaduha lang nga magduduwa sa NBA nga mag-average og triple-double sunod ni 1960s legend Oscar Robertson.

Si Westbrook nag-average og 31.1 puntos, 10.5 rebounds ug 10.1. AFP/ESL