DUNA nay kaugalingon nga mga laboratory equipment o machine ang upat ka mga provincial hospital sa lalawigan sa Sugbo.

Ang mga ekipo gikan sa usa ka pribadong kompaniya, nga mao ang Fast Laboratories.

Nunot sa nangabot nga mga ekipo, nagkinahanglan karon ang mga tambalanan og dugang mga personnel.

Gihulagway ni Provincial Health officer, Dr. Rene Catan nga dunay moderno kaayong mga kapabilidad ang mao nga mga ekipo.

Matod ni Catan nga nag-alayon ang PHO ug ang usa ka pribadong laboratoryo alang sa pag-supply sa mga ekipo.

Tungod niini, wa na kinahanglanang moadto pa sa laing nga mga tambalanan ang mga pasyente nga nagkinahanglan og nagkadaiyang laboratory services.

Sigun sa PHO, libre ang pagpagamit sa Fast Laboratories sa ilang sa mga ekipo sa provincial hospitals, apan dunay pipila ka materyales nga gamiton sa tests maoy bayran sa Provincial Government.

Nunot sa pagka-muntar na sa gikinahanglan nga laboratory equipment, si Catan miingon nga nagkinahanglan sila og dugang mga personnel sa mga provincial hospitals, ilabi na kadtong dunay mga kasinatian sa laboratoryo.

Tungod sa presensiya sa bag-ong mga ekipo, gipadayag sa PHO nga susama na og kakayahan ang mga provincial hospitals sa Sugbo sa Cardinal Santos Medical Center sa kaulohan.

Butang usab kini nga gihangop ug gipasalamatan ni Gobernador Hilario Davide III ang PHO sa pagpaninguha nga makab-ot kining mao nga kapabilidad.

Usa sa suliran sa mga ospital ang kakuwang sa ekipo.