2 rebeldeng NPA miampo

COMPOSTELA VALLEY PROVINCE -- Tungod sa kabalaka sa gilusad nga opensiba sa militar, duha ka nagpailang miyembro sa New People's Army (NPA), boluntaryong mitahan sa kaugalingon.

Si alyas Ka Mar, 22, nagpuyo sa Barangay Rizal, Monkayo, ang mitahan sa kaugalingon niadtong Sabado sa 25th Infantry Battalion, Philippine Army sa Barangay Poblacion, Monkayo.

Gibutyag ni alyas Mar nga Primera Squad Leader siya sa Pulang Bagani Command 8, Sub-Regional Guerrilla Unit, NPA nga naglihok sa probinsiya, Agusan del Sur ug Davao Oriental.

Dugang niya, human gideklara ang all-out-war, subsob ang opensiba sa militar hinungdan nga nakahukom siya nga mobalik sa sabakan sa balaod tungod sa kalisud nga nasinatian.

Gitug-an sab niya nga daghan sa iyang mga kauban sa kalihukan mibati na sab og kabalaka, ug nagplano nga motahan sa ilang kaugalingon.

Samtang sa lungsod sa Compostela, mitahan sab ngadto sa Compostela Municipal Police Station si alyas Ka Alex, 29, ulitawo, minero, nagpuyo sa Aguibawa, Barangay San Miguel.

Ang kanhi NPA nagpailang Segunda Squad Leader sa Sub-Regional Guerrilla Unit-6/ PBC 6, ubos sa pagdumala ni Kumander Maruz nga naglihok sa lungsod sa Maco, Pantukan, Maragusan ug Mawab.

Ang duha gipaubos sa custodial debriefing ug validation sa 1001st Infantry Brigade alang sa Comprehensive Local Integration Program sa kagamhanan. (Rockyben S. Catisay)

r

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph