UNANG Bless Our Cops Movement regional conference gilusad dinhi sa Central Visayas alang sa mga pulis nga nanginahanglan og kausaban sa ilang kaugalingon.
Mga pastor sa nagkadaiyang simbahan ang naghiusa aron makab-ot ang tinguha nga mausab ang espirituhanon nga kinabuhi ug mosentro sa Ginuo ang ilang trabaho.
Tipik kini sa pagpanglimpyo sa kapulisan sa ilang organisasyon.
Ang hepe sa Firearms and Explosives sa Camp Crame, Chief Supt. Cesar Binag nga maoy namulong, nagkanayon nga ang kapulisan lukop nasod nagsagubang og dakong problema nunot sa kalambigitan sa mga ginsakpan sa bisan unsa nga kahiwian.
Ning maong kalihukan, dako og matabang ang pag-ampo gikan sa simbahan alang sa kapulisan nga mahimong tul-id ang ilang panarbaho.
“Religious leaders, you are the bearers of God’s love, God’s mercy, God’s forgiveness and yet in many occasions kayo po ang unang kritiko namin. Yes, may problema kami and yet hindi namin ma feel yung sinasabi ng Bible,” matod ni Binag.
Giangkon niya nga sukad nilingkod si President Rodrigo Duterte, ilang nakita ang kadako sa problema sa illegal drugs tungod sa minilyon ka tawo nga ang ningtahan.
Bisan pamilya, eskwelahan ug simbahan wa na masayod unsaon pagsulbad ang problema tungod sa kalapad sa kadaot nga nahimo.