NAGPAILANG yaya nakuhaag binultong drugas sa buy bust operation sa Philippine Drugs Enforcement Agency (PDEA-7) niadtong Martes sa alas 9 sa gabii sa Barangay Suba, dakbayan sa Sugbo.

Gipusasan si Rose Dakay, 40, minyo, taga Barangay Pasil, dakbayan sa Sugbo human nakuhaag 11 ka dagkong bulto sa drugas nga nitimbang og 100 gramos ug mobalor og P315,000.

Si Leah Albiar, tigpamaba sa PDEA 7, nibutyag nga si Dakay level 1 drug pusher, nabutang sa high value target (HVT) sa listahan sa ilang buhatan.

Matod ni Albiar nga duha ka mga semana nilang gipanid-an hangtud ilang gipali­tag usa ka bultong shabu nga mobalor og P15,000.