MIANI og daghang reaksyon, komento ug shares ang post sa usa ka babae nga mao si Arneline Bonifacio kinsa usa ka estudyante gikan sa Bestlink College of the Philippines sa Novaliches.
Apil kini sa namatay sa mokabat 14 ka mga tinun-an lakip ang driver sa tragic bus crash sa Tanay Rizal.
Nagsirkular sa social media kining iyang post niadtong Pebrero 19, alas 8:43 sa buntag diin takdo usa ka adlaw dihang nahitabo ang aksidente sa bus niadtong Pebrero 20, alas 8:45 sa buntag.
“Tomorrow is the day! Ilang araw din akong mawawala sa mundong ibabaw,” matud niini diin nag-post sab kini og mga pagkaon nga daw maoy mobuhi kaniya sulod sa tulo ka adlaw nga camping.
Walay laing gipasabot sa post niini apan alang sa mga nakabasa daw susama sa nananghid na ang biktima ug usa kini ka premonisyon.
“Mamumundok ako at pag naka survive makakauwi ako ng buhay,” dugang pa sa post niini ug miingon nga siguradong mingawon kini sa iyang pamilya. (SVB)