MIUYON ang Los Angeles Lakers nga ilang ibaylo ang ilang leading scorer nga si Lou Williams ngadto sa Houston Rockets baylo ni Corey Brewer ug sa first round pick sa Houston.

Ang presensiya ni Williams makadugang unya sa opensa sa Rockets, butang nga maoy tinguha sa general manager niini nga si Daryl Morey.

Tayming ang maong kalambuan kay natukma kini sa dihang gikuha sa Lakers ang Hall of Famer nga si Magic Johnson isip bag-ong presidente sa basketball operations human gitaktak si Jim Buss isip executive VP sa basketball operation ug ang general manager nga Mitch Kupchak.

Gianugonan si coach Luke Walton sa pagkawagtang sa iyang pambato.

Sa laing bahin, gipapirma’g balik sa Cleveland Cavaliers ang forward nga si Derrick Williams og laing 10 ka adlaw nga kontrata.

Nakadayeg ang NBA champions sa gipakita ni Williams sa unang hamubo nga kontrata niini. Si Williams, kanhi No. 2 overall pick, posibli usab nga papirmahon og kon­trata nga molungtad hang­tod matapos ang season ug kon magpadayon impreibong performance niini.

Siya nag-avergae og 9.8 points ug 3.0 rebounds sa 22 minutes alang sa Cavs.

Sa dugang kalambuan, gitugotan na sa iyang mga doctor si Chris Paul nga makaduwa sugod karong adlawa sa dihang ikasangka sa Los Angeles Clippers ang Golden State Warriors.

Gihulagway ni coach Doc Riversi si Paul nga anaa sa insaktong kondisyon atol sa sayo nila nga ensayo. “Overall, he was pretty aggressive,” matod ni Rivers kabahin sa unang praktis ni sulod sa kapin upat ka semana nga pagpahuway.

“But it was clear as practice went on he got more and more aggressive. In the first half, he wouldn’t even play with the starters; by the end of the practice he was back playing with the starters.”