HUMAN sa pipila ka adlaw nga hugon-hugon, gipahibawo na ni eight-division champion Manny Pacquiao nga ila na karong gilihok ang sunod niyang away ug kini batok sa iyang kanhi sparring partner nga si Amir Khan.
Tungod niini nitidlom ug nilubog na og maayo ang paglaom nga si Jeff Horn sa Australia maoy sunod niyang makontra.
“My team and I are in negotiations with Amir Khan for our next fight. Further announcement coming soon,” matod ni Pacquiao.
Sa sayo pa, si Pacquiao (59-6-2, 38 KOs) giparang ni Arum kang Horn (16-0-1) apan nakahagdaw kini og mga negatibong komento.
Giangkon ni Arum nga kuli na gyud kaayo nga mahinayon ang Pacquiao-Horn fight sa Australia tungod niining bag-ong pamahayag ni Pacquiao.
“The Australian deal is not going to happen now, because Manny is trying to get a fight done in the United Arab Emirates, and the people there favor him fighting Amir Khan,” padayag ni Arum sa ESPN.
Apan sa samang higayon, si Arum nagduda kon mahinayon ba usab kining maong away tungod sa gidak-on sa kuwarta nga gisaad sa gikasabot sa kampo ni Pacquiao.
“Whether it will happen or not, I just don’t know, because they have to come up with a large amount of money,” dugang ni Arum.
Giingon nga sa Mayo 20 posibling mapahigayon ang Pacquiao-Khan fight apan alang ni Arum lisod kini nga mahitabo tungod kay niining buwana aduna may session sa senado. Si Khan nakarehistro og 31-4, 19 KOs nga baraha.
Gituohan nga moabot ngadto sa $38 million ang makita ni Pacquiao sa iyang pagpakigsangka ni Khan.
“I’m a practical man. The money in Australia wasn’t anywhere near $38 million. What do I know? I don’t know what the story is.
“We’ll see what we see. If the $38 million comes up, the fight will take place, and we’ll all be happy. And if it doesn’t, there will be one guy who won’t be surprised.”