ANG first Ateneo de Davao University (AdDU) Mindanao Inter-Collegiate team chess tournament tigian sa Sabado, Pebrero 25 hangtud 26 sa AdDU Jacinto Campus sa Davao City.
Atol sa Davao Sportswriter Association Forum niadtong Huwebes, Pebrero 23, gipahayag ni AdDU athletics special projects director Celine Simone Jaldon nga magsugod ang dula alas 8 sa buntag diin anaa ang Holy Cross of Davao College ug Cor Jesu College sa kompetisyon.
Matag tim gilangkuban og tulo ka lalaki ug duha ka babaye, kauban ang coach.
Sa mga interesado, mamahimo pa magpalista sa kantidad nga P2,000 alang sa Swiss System format chessfest o tawag sa (0942) 4469-802.
Dugang ni Jaldon, ang mokampeyon mouli og P5,000 ug tropeyo samtang ang sunod nga duha ka puwesto makakuha og P3,000 ug P2,000 sa maong han-ay.