Indahag, XU ladies Loyola Cup karon

Mosulay ang Indahag National High School pagsulat og kasaysayan pag-agbat nila karong gabie, Pebrero 24, sa Xavier University (XU) lady Crusaders sa semifinals sa 2017 Loyola Cup Basketball Tournament ladies open division didto sa XU GYM.

Uhaw kaayo ang Indahag lady Skyhawks nga maangkon nila ang unang finals appearance sukad napakyas sa unang edisyon nga ladies open niaging tuig.

Nihuman ang lady Skyhawks parehas sa Hornets ni Catrina Pong-Biongcog nga adunay 4-1 win-loss record matag usa.

Apan, naangkon sa lady Skyhawks ang unang pwesto sa elimination round human gipilde nila ang Hornets sa niagi.

"Indahag ang moangkon sa number one spot tungod sa winner-over-other rule basta in case of a tie," ingon ni commissioner Arvin Martinez.

Makasaysayan alang sa lady Skyhawks kung modaug sila sa lady Crusaders aron makapmit nila ang unang finals.

Sa ilang standing, niangkon ang Indahag og usa ka pilde gikan sa kamot sa Zamboanga del Sur Sports Academy.

Ang lady Skyhawks mao ang eskwelahang pampubliko sa highschool nga nagpakitang impresibong lakaw batok sa mga kalidad nga pangkolehiyo.

Naangkon sab sa lady Crusaders ang ika-upat ug kataposang silya sa crossover human gipilde nila ang Almagate sa winner-over-the-other tie-break diin parehas sila nihuman og 2-3.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph