HILIG ka ba sa paggamit sa Google. Hilig ka ba sa pagsuway sa labing ula­hing teknolohiya sa internet? Ayaw paglangan apil dayon.

Ang Google Developers Group (GDG) Cebu Code Camp moabli karon, Pebrero 25, sa IC3 (kanhi IEC Convention Center Cebu), Pope John Paul II Ave., Barangay Mabolo, dakbayan sa Sugbo, alas 8:00 sa buntag hangtod sa alas 6:00 sa hapon.

Atol sa press conference sa GDG sa Rico's Lechon Restaurant, Axis Entertainment Avenue niadtong Miyerkules alang sa GDG Cebu Code Camp, ang organizers nagdasig sa beginners, mature hangtod sa senior developers.

Ang Cebu Code Camp usa ka kalihukan diin pagahisgutan ang mga importanting mga topiko alang sa develo­pers subay ang updates sa pagkakaron nga kalamboan sa mga uso gamit ang serbisyo sa Google.

Ang maong kalihukan maghisgot sa topiko gikan sa Machine Learnings, Fireba­ses, Google Cloude, Material Design, Android ug ang mga Web Trends karong 2017.

Usa kini ka talagsaung kalihukan alang sa Goo­gle Developers diin ang mga mosalmot makakat-on og nagkadaiyang mga topiko gikan sa mga Google employees nga gitawag og 'Googlers', nga nag gikan sa Japan, Korea, Singapore ug United States kinsa mubisita dinhi sa Sugbo kinsa maoy napili­an nga pahigayonan sa maong kalihukan.

Gibanabanang mokabat sa 1,000 o labaw pa ang developers ang motambong ug mosalmot sa maong kalihukan gikan sa mga amature hangtod sa senior developers, usa kini ka dakong kahiga­yonan diin direktang makat-onan sa kadaghanan ang mga bag-ong teknolohiya gikan sa mga Goolge experts.

Ang GDG Cebu usa ka non-profit nga grupo sa mga mature ug propisyonal nga developers dinhi sa Cebu, kinsa mahilig sa teknolohiya sa Google. Mhike Dominique C. Fernandez ug Diana Grace G. Pila, USJ-R BA- Communication Interns