Dear Noy Kulas,
Maayong adlaw ninyo. Tagoa lang ko sa ngan nga Richel. Taga Mindanao ko pero naa ko diri nag-eskwela kay naa dinhi na namuyo ang akong mga igsuon.
Aron ko makadaginot sa gasto, naa ko puyo sa usa nako ka igsuon. Nakabantay ko sa iyang bana nga sukad naabot ko, magsige na og tan aw nako. Grabe siya makatutok pero wa nako panumbalinga kay brother-in-law. Aside ani, kahibawo ko nga di makabuhat si Kuya og binuang nako. Sa tinuod lang sab, gwapo si Kuya ug kon di pa bana sa akong sister, mahimo rang magkauyab mi.
Ang akong problema kay karon, pinangga ko ni Kuya kay bisan unsa na lang ang iyang ihatag nako, gikan sa needs sa ekwelahan, ngadto sa akong mga lakaw. Wa ko mosaba sa akong igsuon kay basin magselos si Ate sa kapinangga ni Kuya nako.
Tininuod kaha ni kang Kuya sa akoa nga gusto ra siyang motabang? Unsa may imong tan-aw isip lalake?
RICHEL
Richel,
Di ko mo-judge kon unsay iyang motibo. Lisod tag-anon ang motibo sa tawo kay naa ni sa iyang huna-huna. Posibleng naluoy siya nimo mao nga sa hilom iya kang gisuportahan without the knowledge sa imong maguwang. Tinuod, bisan imo nang sister, mahimong magselos gihapon na. Basin tininuod na ang iyang pagtabang nimo kay naluoy ug gusto siyang makatampo sa imong kalampusan.
Bantayi lang sab, ayaw kaayo pagkompyansa kay basin unsa usab ang iyang plano. Ayaw lang usab palab-ani ang imong pagsalig niya kay di usab maayo. Wa ta kahibawo, ang iyang tabang nimo lahi og tumong, kanang di maayo. Tumong niya aron ka ma-develop sa iyaha kay naay mga lalake nga ingon niana ang sugod sa diskarte. Naay uban maningil na sa ilang “investment.” Busa, ayaw usab palab-ani ang pagdawat. Learn sab sa pagbalibad.
NOY KULAS
kulassuper@sunstar.com.ph