BISAN sa iyang pagkasikop, si Senador Leila de Lima niinsister nga siya inosente.

Matod niya nga ang mga kaso nga gipasaka batok kaniya pulos pagpanghasi sa administrasyon ni Presidente Rodrigo Duterte.

“Inosente po ako. Wala pong katotohanan na protector ako ng illegal drugs. Hindi po totoo na nakinabang ako sa illegal drugs. Pawang kasinungalingan po ang ibinibentang nila sa akin. Kung sasabihin po nila na mapapatahimik po nila ako sa paraan ng pangigipit o paniniil, nagkakamali po sila. Karangalan ko po na ako ay makulong dahil sa mga ipinaglalaban ko,” matod ni De Lima.

“I pray that God will give me justice,” sulti ni De Lima sa wa pa siya motugyan sa iyang kaugalingon sa arresting team.

Siya niangkon nga nakugang siya sa dinaliang pag-isyi og arrest order batok kaniya kay duna pa untay hearing sa motion to quash.

Si manlalaban Alex Padilla, legal counsel sa senador, niingon nga di siya maka-imagine kon nganong dali nga nga nakaluwat og mando si Judge Juanita Guerrero of Makati Regional Trial Court Branch 204 kinsa bag-o lang niabot gikan sa abroad.

Matod ni Guerrero nga ang korte nakakita og igong probable cause sa pagluwat og arrest warrants.

Si De Lima gipasakaan ngadto sa Muntinlupa City Regional Trial Court sa paglapas sa Republic Act 9165 kun Comprehensive Dangerous Drugs Act of 2002, sa pagpamaligya og illegal drugs, krimin nga tulu­ba­gon sa public officials. Sunnex