MINNEAPOLIS – Dismayado na sa suholan sa Women’s National Basketball Association (WNBA) si Minnesota Lynx superstar ug shooting guard Seimone Augustus.
Si Augustus nipabuhagay sa iyang kasagmuyo ug nanawagan sa endorsement ug sponsors sa WNBA atol sa interview kaniya sa Vice Sports ug ESPN kalabot niini sa niaging adlaw.
Kon dagko ang ngisi sa mga players sa NBA tungod sa ka dagko sa ilang mga sweldo, magul-anon usab ang mga players sa WNBA tungod sa kaubos sa ilang madawat nga suholan.
Kon si four-time MVP LeBron James sa Cleveland Cavaliers ang highest paid NBA player sa 2016-2017 season nga nagdawatan sa $30 million.
Samtang sa WNBA, ang highest paid player mao si 2004 no. 1 pick overall sa Phoenix Mecury team, three-time champion ug two-time Finals MVP, point guard Diana Taurasi igo lang nagdawatan sa $ 107, 000 matag tuig.
“It’s just like a lot of wear and tear on the body, overseas we play 38 almost 40 minutes a game. They hardly ever want to take Americans out of the game” magul-anon nga pamahayag ni Augustus.