MIABANTE na ngadto sa semifinals ang Ryan G Snack Shack ug ang Trangia Sportwear human kini mibuntog sa tagsa-tagsa nila ka kaatbang kaniadtong Domingo, Pebrero 19 atol sa nagpadayon nga F. Llamas Youth Association (FYA) Christmas League baskeball tournament sa Don Vicente Sotto Memorial Gym sa barangay Punta Princesa, ning dakbayan.
Ang Ryan G milatos sa Car Door Aircon, 119-99 samtang ang Trangia Sportswear naka-ipsot batok sa Onak Pawnshop, 95-88. Ang ikaduhang paresan sa quartefinals mao ang sangka tali sa Angel Mary Panwshop batok sa Yoyi’s Pastries & Dessert ug tali sa Micaela batok sa BDS Law Firm.
Puntos matag usa:
Unang duwa: Ryan G. Snack Shack (119) - Sampelo 35, Arreglo 27, M. Cadungog 18, T. Lavandero 16, Ursal 9, Sabalande 5, CJ Lavandero 4, Abella 2, Gillangao 2. Car Door Aircon (99) - Malicay 18, Mirasol 17, Billones 16, Duran 14, Patalita 13, Rara 13, Daguhoy 4.
Ikaduhang duwa: Trangia Sportswear (95) - Sydiongco 25, Reubal 24, Caballero 21, Auditor 12, Trangia 6, Martinez 5, Sarsaba 2. Onak Pawnshop (88) -De Gracia 15, Abella 13, Reyes 12, Barro 10, Tabares 9, Endrina 7, Parba 4, Tabaña 4. PR