DALING mikuyanap sama sa nagdilaab nga kayo ang taho nga namatay si Philippine Basketball Association (PBA) legend Alvin Patrimonio apan dali kining giklaro sa asawa sa gitawag og “The Captain” nga wala kini kama­tuoran.

Ang taho, nga migamit pa og karaang hulagway sa Spin.ph, nag-ingon nga nipanaw ang four-time PBA MVP gumikan sa ataki sa sakit sa ka­singkasing.

Sa pagsugod pa lang og baha sa mga pag-ampo ug pahisubo ngadto sa pamilya ni Patrimonio, ang iyang asawa nga si Cindy Conwi-Patrimonio nag-post dayon sa iyang social media accounts, Facebook ug Twitter nga peke ang ma­ong balita.

“To all the loving fans, our beautiful friends, sa mga pa­ngit na babaeng ilusyunada sa asawa ko……Alvin did not die,” post ni Cindy nga napatik sa Spin.ph.

“That rumor came out 2 days ago IT IS NOT TRUE that Alvin Patrimonio died. I appreciate your concerns.”

Gikompirmar ni Cindy nga miadto og ospital si Patrimonio sa milabayng pipila ka mga adlaw apan alang lang kini sa iyang routine check-up.

Giklaro ni Cindy nga wala’y a­nga­yang ikabalaka ang ilang kabanay ug fans kabahin sa iyang bana.

“He had a check up lang that was it…a simple check up kaya wag kayong mag alala….thank you…pls share…” dugang post ni Cindy.