GILUBONG na sa tinugyanan sa Bureau of Fisheries and Aquatic Resources-Nortehrn Mindanao (BFAR-10) ang napalgang hayop niadtong Huwebes sa hapon diha sa may Baloy Tablon ning siyudad sa Cagayan de Oro.

Giila sa mga taga BFAR ang hayop nga usa ka dwarf sperm whale nga namatay gumikan sa daghang samad nga naangkon niini.

Gikabutyag nga samdan nga napadpad sa daplin sa kadagatan ning siyudad ang maong whale tungod kay posibleng duna kini nakaaway sa ilalom sa dagat.

Matud sa tinugyanan sa BFAR-10 nga talagsaon ra gayud nga mapalgan ang mga dagkong isda o hayop nga sama sa namatayng’ sperm whale tungod kay nagpuyo kini sa ilalom sa kadagatan.

“Kay injured man siya kay naa ma’y mga fresh wound, nisaka na gyud ni siya sa mabaw para magpahulay or magpaayo sa iyang kaugalingon,” pahayag sa BFAR-10.

Ning pagbalita, gilubong na sa tinugyanan sa BFAR ang sperm whale. (KCS)