SI NATIONAL University (NU) player Jeleardo Amazona maoy nakakuha og titulo sa lalaki nga dibisyon sa National Students Championships Qualifying Try-outs Graham C. Lim Classic Cup didto sa Ecoland Phase 4 Tennis Club courts.
Gilampaso ni Amazona nga taga Banaybanay, Davao Oriental ang pambato sa University of Mindanao (UM) nga si Jonathan Palac, 6-4, 6-1, sa ilang finals nga gitugotan sa Philippine Tennis Association (Philta).
Samtang si Sharyl Mae delos Santos sa Holy Trinity College of General Santos City, midaug sa babayeng dibisyon human gipalagpot,6-4, 6-1 si Doriz Jane Bagohin sa University of Mindanao, 6-1, 6-0 sa finals.
Matud ni Philta regional vice-president for Mindanao Juanito "Titong" Cansino Jr. nga sila Amazona ug Delos Santos ang mopresenta sa nasud sa 29th Summer Universiade sa Agosto 19 hangtud 30, sa Chinese Taipei nga "all-expense paid trip" sa Federation of School Sports Association of the Philippines.
Ang San Miguel Corporation, Mega World ug Longmarch Tyre ang misuporta sa kompetisyon.
Miabot sa kinatibuk-ang 48 ang miapil sa kompetisyon. (Marriane Saberob-Abalayan)