GIKOMPIRPAR ni British bo­xing star Amir Khan nga nakignegusasyon siya sa kampo ni Filipino boxing icon Manny Pacquiao a­­­lang sa giplano nilang panag-away karong Abril.

Gisugyotan ni Khan ang iyang mga dumadapig nga sundon siya sa Twitter alang sa mga kalambuan sa negusasyon.

“Currently negotiating with Manny #teampacquiao. Coming soon. Watch this space!” tweet ni Khan.

Ang Pambansang Kamao sa Pilipinas maoy unang mianunsyo nga nagpadayon ang ilang negusasyon ni Khan bisan sa pamahayag sa iyang promoter nga si Top Rank boss Bob Arum nga nakignegusasyon sab kini sa kampo ni Australian Jeff Horn.

“My team and I are in negotiations with Amir Khan for our next fight. Further announcements co­ming soon,” tweet sab ni Pacquiao sa milabayng mga adlaw.

Kon madayon, gilauman ang usa ka eksplosibong binukbo­kay gumikan kay parehong agresibo og estilo ang duha ka mga boksidor.

Si Khan kanhi sparring partner ni Pacquiao ubos sa paggiya ni Hall of Fame trainer Freddie Roach.

Nakahukom si Khan nga mo­biya sa kampo ni Roach gumikan kay kanunay ra siyang naa sa anino ni Pacquiao.

Sa kasamtangan, si Khan gi­giyahan ni Virgil Hunter, kinsa mao sab ang trainer ni two-divi­sion champion Andre Ward.