ARON kahatagan sa insaktong pagpangandam, sugdan karong Marso 27 hangtod sa Abril 2 ang pagpangrehistro sa tinuig nga Sunsport Basketball Training Camp 2017.
Kini maoy gipahibawo sa beteranong coach ug training specialist nga si Jojo Romarate, kinsa mao usab ang training director sa maong camp nga ipahigayon diha sa Sacred Heart Center Sports Club nga nahimutang sa dalan D.
Jakosalem, dakbayan sa Sugbo. Sa kantidad nga P1,300 isip registration fee, gawas sa iyang makat-onan, ang rehistrante aduna usa’y makuha nga jersey, bola, shoe bag ug t-shirt.
Ang training camp nga ipahaom alang sa nga nagpangidaron og 7 anyos ngadto sa 19 anyos nga bahinon ngadto sa duha ka sessions, ipahigayon matag Lunes hangtod sa Biyernes sugod sa Abril 3.
Sa nagpangidaron og 7-11 anyos, ang session mosugod sa alas otso hangtod sa alas 10 sa buntag samtang mosunog gilayon ang nagpanuigon og 12 ngadto sa 19 anyos nga motapos sa alas 12 sa udto.
Motapos ang level 1 sa Abril 28 ug ang second level moabli sa Mayo 1 hangtod Mayo 26.
Si Romarate miawhag niadtong interesado sa pagtawag o text sa ilang buhatan sa numero 345-1015 o mahimo usab sa Cellphone 0923-869-7421 alang sa kompletong detalyi.(PR)