BARANGAY tanod nga uban sa giingong bigtime drug pusher nasikop sa buy-bust sa mga sakop sa Philippine Drug Enforcement Agency (PDEA) 7 niadtong Biyernes sa alas 6:30 sa gabii sa Sitio San Miguel, Barangay Tisa, dakbayan sa Sugbo.

Si Daniel Cabana, 25, ba­­rangay tanod sa Tisa, gi­pu­sasan kuyog sa giingong big­time drug pusher nga si Ro­­bert Bentazal, pintor, giingong ka­kunsabong si Ronnel Din­say, usa ka panday; ug Roy Tagalog, traysikad driver.

Nakuha sa ilang possession ang lima ka dagkong putos sa shabu nga gibanabanang motimbang sa 110 gramos nga mobalor sa P264,000.

Si Cabana niingon nga mo­su­­yop siya apan wa siya ma­lam­bigit sa pagpayuhot og drugas.

Gipadayag niya nga kahibawo siya nga drug pusher si Bentazal, apan didto siya sa lugar kay iya kining amigo.

Duna siyay gitrabaho gumikan kay gawas sa iyang pagka tanod, pintor usab siya.

Sa laing operasyon, gipu­sasan sa PDEA 7 ang usa ka bayot nga giingong nagpa­da­gan og drug den.

Nakuhaan ang suspek, Rogelio Gonzales, 40, og 191 ka ampules sa Nubain nga mobalor og P38,000 ug binultong shabu niadtong Biyernes sa hapon sa Barangay Kamagayan.

Si Gonzales nagpailang wedding coordinator, nakuhaan sab og lima ka bultong shabu, laing usa ka dakong putos sa sha­bu, balor og P225,000, dag­hang syringes, P200 nga buy bust money, ug uban pa.