NAUSO na ang pagpahigayon og mga torneyo sa online chess.

Kasagaran mga sponsor magpapremyo agi sa salapi ug prepaid load sa mobile cellphones.

Makita nako na halosa sa mga chess sites sa chesscube.com, chessclub.com ug labina sa chess.com.

Dinhi sa pulo sa Mindanao, nagpahigayon si Rolando Banaag og mga online chess tournament ug gakaatngan sa pipila ka mga manunula.

Bago lang, nahugpon niya ang 32 ka mga manunula gikan sa laing pulo sa Mindanao sa iyang Mindanao Online Blitz Challengers League 2017 sa chess.com.

Ang torneyo usa ka 2000-under rating diin si Fr.Vic Arellano ang kinataas nga Federation rating nga 1999. Siya na ang gagamit sa log-in name nga vicariate.

Gawas anang torneyo, gitipok ni Banaag ang 16 ka mga kusog nga manunula sa Mindanao nga mokombati sa 2017 Mindanao Online Blitz Championships karong Marso 4 didto sa chess.com.

Si Lennon Salgados sa Cagayan de Oro City mao ang top-seed nga adunay NCFP rating nga 2295.

Naa sab ang mga Dabawenyo nga sila Jason Salubre, Jimmy Dano, JR Shai Batucan ug si National Master AJ Literatus.

Naa sab si Jezreel Lopez sa Pagadian, Cecil Cuevas sa Iligan City, Wilhelm Joey Ardiente sa Aurora, Zamboanga del Sur, Nolly Cabillas sa Bukidnon, Desmond Lopez ug Rodney Opada sa Zamboanga City ug Datu Ali Sinsuat sa Cotabato.

Gawas kang Salgados, naa sab sila Lolong Coquilla, Romeo Canino ug Loloy Torres alang sa Cagayan de Oro.

Gamit ang knock-out system format, matag paresan modula og race to five nga 3-minute blitz.

Kasagara eksperyensya nako, ang modaug sa ingnani mao ang kinsa ang pas-pas sa blitz ug kinsa ang kusog og internet connection.

Di ba Roly Tan a.k.a. Mr. Kawa?