NAGBUGNO ang asawa ug ang kabit human kini nagsapon niadtong Biyernes, Pebrero 24, mga alas 9:02 sa gabii sa Osmeña Street, dakbayan sa Cagayan de Oro.
Nidangop sa kapolisan ang asawa nga si Airen (dili tinuod nga ngalan), 29, minyo, residente sa dapit ug gireklamo ang giingong kabit nga nailang si Scarlet (bansagon gitago), 34 anyos, balo.
Sa nahipos nga impormasiyon gikan sa Police Station 2 sa Cogon diin midangop ang biktima, nasayran nga nagkakomprontahay ang duha nga miresulta sa panglayog.
Gibutyag sa asawa nga imbes nga ang kabit maoy sad-an mao pa hinuon ang isog kaayo ug nanghulga kaniya.
Wala usab kini magpa-ubos ug mao pa ang nag-una una sa pagpasakit kaniya ilabi na nga atol sa kagubot ug panag-away sa duha, gipaak pa niini ang biktima.
Sa pagsulat niini nga balita, ang insidente ang nakatala na sa nahisgutang buhatan alang sa tukmang disposasiyon.
***
Like and follow SunStar Philippines on Facebook.