ANG 4th Escandor Cup Inter-High School basketball tournament nga nadelatar sa pagpahigayon, mobukas na karon sa Davao City Recreation Center (DCRC) kanhi Almendras Gym.

Kini ang giyagyag ni league manager Ronel Leuterio atol sa coaches briefing ug orientation niadtong Biyernes sa gabii sa Mandaya Hotel V.I.P. lounge nga gitambungan sa coaches sa 12 ka tunghaan nga misalmot.

"The first schedule was set last February 12, but moved it on February 26 to avoid conflict from the other basketball tournaments," ni Leuterio nga giubanan sab ni Samahang Basketball ng Pilipinas (SBP) commissioners Oscar Salvador ug Macario Cabonce.

Sa unang sabak, moduwa ang reigning National Baskteball Training Center (NBTC)-Davao champion Ateneo de Davao University (Addu) kontra Jose Maria College (JMC) sa alas 9:00 a.m.

Sundan kini sa Davao Jones Academy (DJA) kontra Daniel R. Aguinaldo High School (Dranhs) sa 10:30 a.m., dayon ang Philippine Womens College (PWC) kontra Davao City National High School (DCNHS) sa 12:30 p.m. ug Ford Academy of Arts (FAA) kontra Agro Industrial Foundation College (AIFC) sa alas 2:00 p.m..

Dugang ni Leuterio nga may parada sa mga banners sa tagsa-tagsa ka tunghaan sa alas otso sa buntag una ang ceremonial tip-off nga pangunahan ni SBP regional director Glenn Y. Escandor.

"Everyone should also wear shoes and look presentable and let’s make the league formal."

Ang top four nga tims modawat og cash prize nga P5,000, P3,000, P2,000 ug P1,000.