DUHA ka ihap sa kasong pagpangdagmal sa babaye ang unod sa warrant of arrest, hinungdan nga nasikop ang usa ka seaman alas 5:30 sa hapon niadtong Huwebes.

Gisikop sa kapulisan sa Buhangin Police Station si Wilson A. Catigan, 39, minyo, seaman, ug residente sa Phase 2, Deca Homes Subdivision, Barangay Indangan, Buhangin District, siyudad sa Davao.

Ang suspek gisikop pinaagi sa warrant of arrest nga gipagula ni Honorable Judge Lope L. Calio, presiding Judge sa Regional Trial Court (RTC) Branch 33.

Kasong pagsupak sa Republic Act 9262 kun Violation Againts Women and Their Children (Vawc) ang atubangong kaso sa suspek didto sa korte kinsa kasamtangan karong gibalhog sa selda sa Buhangin. (Jeepy P. Compio)