NANAWAGAN ang pipila ka sektor o grupo sa transportas­yon sa paglusad sa nasudnong welga sa transportas­yon. Ang nag-unang isyu nga gidala sa protesta mao ang lakang sa ka­gamhanan sa hinayhinay nga pagwagtang sa mga karaang pasaheroang sakyanan ug pagkontrolar sa mga sakyanan nga modagan sa kadalanan.

Kon mamati kita sa militanteng grupo sa mga drayber, mogawas nga makaluluoy ang transportasyon labi na ang ordinaryo o kabus nga drayber ug gagmayng mga opera­tor.

Matod ni Piston national president George San Mateo nikondenar sa sugyot nga regulasyon sa operators nga giingong magkinahanglan og puhonan nga dili mominos P7 milyunes ug dunay minimum 10 units matag franchise diin, dason niya, nagpabor sa adunahang operators.

Apan si Atty. Aileen Lizada, tigpamaba sa Land Transportation Franchising and Regulatory Board (LTFRB), niingon nga way kamatuoran ang pamahayag sa Piston.

Dason niya, ang klaro nga ipatuman sa LTFRB mao ang pagwagtang na sa mga karaang jeepneys nga 15 anyos ug paubos human dili na kini luwas sa publiko ug daling madaut nga makapadugang kahuot sa trapiko.

Ang militanteng Piston niluwat og pamahayag nga dunay 600 mil ka drayber ug 200 mil operators sa nasod nga maapektohan sa planong pag-phaseout sa jeepneys.

Luoy tinuod ang maapektohang drayber ug operators apan, si Lizada nibutyag nga ang Department of Transportation ug Department of Budget and Management nagtuki kon usab kon unsaon pag-abag ang maapektohan sa plano.

Busa, kitang mabuot nga lungsoranon mamati ug motimbang pag-ayo sa isyu sa transportasyon ug modapig sa kaa­yohan alang sa kaayohan sa tanan, dili lang interes sa sektor o pag-asdang sa prinsipyo ug idelohiya sa grupo nga nagpahipi luyo sa panawaan sa welga karon.