GIPAHIGAYON sa Google Developers Group (GDG) Cebu ang GDG Code Camp sa IC3 ( kanhi IEC Convention Center Cebu) niadtong Sabado alas 8:00 sa buntag.

Ang GDG Code Camp sa Google Developers Group (GDG) Cebu, gitambongan sa mga nagkalainlaing IT Developer sa Sugbo, lapik sab sa mga mitambong ang mga IT Developer nga gikan sa nagkalainlaing bahin sa Pilipinas, gikan sa beginner, experience hangtod sa senior Developers.

Ang Google employees nga gitawag og 'Googlers' nga mitambong sa maong kalihukan nga nagagikan sa Japan, Korea, Singapore ug United States mipaambit sa nagkandaiya nilang mga mahibaw-an sa mga topiko gikan sa Machine Learnings, Firebases, Google Cloud, Material Design, Android ug sa mga Web Trends karong 2017.

Ang kalihukan naghatag sa mga Sugboanong IT Develo­per ug sa ubang misalmot nga gikan sa lainlaing bahin sa Pilipinas ug bag-o ug dugang mga ideya ug kaalam alang sa pagpanindot ug pagpalambo sa mga nasugdan nilang Google Apps, aron mahimo kining patok sa katawhan ug makapalambo kini sa mga android ug IOS users.

Gibutyag ni GDG Community Manager, Shad Roi de la Cruz, daghang tinun-an ang sa kalihokan.(Mhike Dominique C. Fernandez ug Diana Grace G. Pila, USJ-R BA Communication interns)