NASAYOD ang 6’9” rookie sa San Miguel Beermen nga si Arnold Van Opstal nga adunay iyang mga sumosunod nga nanawagan sa online nga unta mahatagan siya og igong playing time aron mahashasan ang iyang abilidad.

Apan ang kanhi sinaligan sa La Salle Green Archers padayong nagpamahiubsanon ug andam kining mohuwat sa iyang panahon.

“I don’t really care, it doesn’t matter to me, I don’t pay attention to that,” matod ni Va Opstal, kinsa kanunay lang maglingkod sa bangko ug moabiba sa iyang mga kauban sukad sa iyang paghiabot sa kampo sa Beermen, sa interbyu sa Spin.ph.

Usa lang ang iyang gipaneguro, buhatan niya ang tanan.

Sa Game 1 sa Philippine Basketball Association (PBA) Philippine Cup finals niadtong Biyernes, nakapakita og aksyon si Van Opstal gumikan kay gipanglubong og maayo sa Beermen ang Brgy. Ginebra Gin Kings gikan sa sinugdanan hangtod sa katapusan.

Nakaduwa siya sulod sa duha ka mga minutos ug 56 segundos diin nakarehistro siya og usa ka rebound.

“Once I get my chance, it’ll be alright and just go for the win,” matod ni Van Opstal.

Mapasalamaton si Van Opstal sa mga sinaligan sa Beermen nga ningdominar kini og sayo tungod kay nakahatag kini kaniya ug sa ubang sakop sa team og kahigayunan nga makapakita og aksyon sulod sa taas-taas nga oras.

“So I’m really happy ’cause it’s the finals, who doesn’t wanna play? But more importantly, I just want to win, it’s the main goal - to win.”