WALAY mahitabo nga transport strike dinhi siyudad sa Cagayan de Oro karong adlawa.
Si Wildon Barros gikan sa Bagong Alyansang Makabayan sa Northern Mindanao nibutyag sa SunStar SuperBalita nga ang Pinagkaisang Samahan ng mga Tsuper at Operators Nationwide (Piston) dinhi sa rehiyon ang igo lamang nga magpahigayon og caravan palibot denhi sa siyudad ug mohimo lamang og protesta gawas sa buhatan sa Land Transportation Franchising Regulatory Board sa Northern Mindanao Region.
Giklaro niini nga caravan lamang kini ug dili kini makabalda sa dagan sa trapiko ingon man dili makapugong sa mga sumasakay karong panahona.
Samtang ang ilang grupo sa Bayan mopahigayon sab og solidarity walk gikan diha sa press freedom monument sa Velez St., paingon sa CM Recto ug paingon ngadto sa kiosko kagawasan sa Divisoria diin adunay mga pulong pulong nga mahitabo.
Ilang ipaabot sa kagamhanan sa nasod ang unta pagpadayon sa hisgotanang pangkalinaw.
Gikareport nga didto sa kaulohan mahitabo ang halapad nga transport strike tungod sa pagsupak sa mga transport group nga walaon ug dili na ipabiyahe ang mga public utility jeepney sunod tuig.