GILUSAD sa Philippine Health Insurance Corp. (Phil­Health) ang mga bag-ong produkto ug mga serbisyo alang sa mas nindot nga pagserbisyo sa katawhan.

Sa ika-22 nga anibersaryo sa PhilHealth, adunay daghang mga bag-ong produkto ug ser­bisyo sama sa Medical Detoxification Package, Z benefit package, Interactive Voice Res­ponse System, Voice Logger, ug ang PhilHealth ACR Mobile App.

Ang Medical Detoxification Package sa PhilHealth, nga mukantidad og P10, 000, usa ka first step alang sa epektibo nga treatment sa drug addiction alang sa mga tiggamitan sa ginadiling drugas ug sa uban pang amphetamine-type stimulants sama sa cocaine ug ecstasy. Lakip na sa maong package ang screening, diagnostic, ug medisina. Sa pagkakaron, available kini sa mga PhilHealth-accredited nga mga ospital sa gobyerno nga naa sa Level 1, 2 ug 3 dinhi sa Central Visayas.

"We just launched this and it's actually the coverage for the minimum standard sa medical interventions to safely manage the acute physical symptoms of withdrawal, associated with stopping drug use," matod ni William Chavez, Regional Vice President sa Region 7.

Gibutyag ni Chavez nga 93% sa populasyon sa Central Visayas ang na-cover sa PhilHealth ug padayon ang ilang paglihok aron sa pagkumbin­ser sa mga LGU aron maenroll katong mga wala pa naenroll sa PhilHealth. Naghinaot sab ang PhilHealth nga makombinsi nila ang ubang LGU's ang pagparehistro sa tanang barangay workers, lakip na ini ang mga barangay tanod ug mga barangay health workers.

“Under the General Appropriations Act, there's an allocation of P3 billion to cover cost of availment. This is intended to pay the cost of confinement of those who are not yet PhilHealth members,” dugang ni Chavez.

Si Dr. Israel Francis Pargas, PhilHealth Vice President for Corporate Affairs, nianunsyo sab sa Z Benefit Package. Ang Z Benefit Package alang sa mga bata nga dunay disabililites sama sa mobility disorders ug mga problema sa mata.

Gawas sa Medical Detoxification Package sa PhilHealth ug Z benefit package, aduna sab silay Interactive Voice Response System (IVRS), voice logger, ug ang PhilHealth ACR Mobile App.

Ang Interactive Voice Response System (IVRS) ug voice logger, usa ka pamaagi aron matubag ang mga pangutana sa mga myembro sa PhilHealth. Ang IVRS adunay self-service options alang sa mga callers nga available sa 24 ka oras sulod sa pito ka adlaw. Pinaagi sa pagtawag sa (02) 441-7442, matubag ang mga pangutana pinaagi sa mga pre-recorded nga mga tubag alang sa mga komon nga mga pangutana ug mamahimo sab makigstorya ang caller ngadto sa live agent sa mga pangutana nga lisod ug komplekado.

Pinaagi sa pagdownload sa PhilHealth ACR Mobile App, mamahimong magsearch ang users o ang mga myembro sa mga kaso nga covered sa PhilHealth ug ang kantidad nga ma cover ini nga makatabang aron mahibaw-an kung pila ang benepisyo magamit sa mga miyembro.

Mahimo kining ma download alang sa andriod users samtang gilihok pa ang IOS version sa maong application alang sa Apple users.

Gawas sa mga nahisgotang mga bag-ong produkto ug mga serbisyo sa PhilHealth, aduna sab silay learning material kabahin sa social health insurance principles nga maapil sa MAPEH nga subject sa Grade 10. Ang maong learning material makatabang aron matudluan sa mga maistra ang mga estudyante bahin sa PhilHealth.

Matod ni Karisma Agraviador, Public Relations Officer sa PhilHealth Region 7, nga makatabang ang pagtudlo ini ngadto sa mga estudyante kay kini makaandam sa mga estudyante kabahin sa PhilHealth ug makahatag sab og ideya sa mga ginikanan kabahin sa PhilHealth.

"So we now call the institutions interested to include social insurance principles in their curriculum. They can now partner with us and we will offer them and provide them the materials for inclusion," matod ni Dr. Pargas. Maebelle Rellon, USJ-R Jour­nalism Intern