Dear Noy Kulas,
Ako si Kayla, 18 years old ug nag-eskwela sa college samtang nag-work sa usa ka kan-anan aron dunay ikagasto sa akong studies. Nakadungog na ba ka, Noy, sa kantang “Torn Between Two Lovers”? Igo kaayo ko ani nga kanta kay na involved ko og duha ka guys nga pulos duol sa akong heart.
Si Mark akong classmate sa college sukad pa sa first year pa mi. Pareho mi og kurso, so, pirme mi magkita kay kon unsay akong load, mao say iyang kuhaon.
Ang laing guy si Karlo, akong kauban sa trabaho ug working student pareho nako. Siya pirme ang motabang nako sa akong duty ug ihatod ko niya pirme sa amoa basta gabii na kaayo mahuman ang among duty.
Kining duha pulos nanguyab nako ug pulos nako love. Tinuod, Noy, love nako silang duha nga bisan kinsa nila, mingawon ko kon di ko makakita. Wa koy gitangdo ug gibalibaran nila kay pulos nako sila giingnan nga mo-decide ko sa hustong higayon. Ang makakilig kay pulos sila willing mohuwat.
Noy Kulas, unsa may akong buhaton aron makapili na ko?
KAYLA
Kayl,
Suwayi pagsuwat ang ilang mga batasan, ilang pagkatawo, pamilya, bayhon ug uban pa. Mga characteristics, strengths and weaknesses. Naa gyud na. Kon wa ka pa maka observe, sugdi na aron matimbang mo ang tanan objectively. Mao ni ang labing maayo nga approach.
Unya human mo og evaluate, palay-i una sila aron makita mo kinsa ang mas bug-at kanilang duha. Seeing from outside sa usa ka sitwasyon, mas makita mo ang kinatibuk-ang sitwasyon ug matimbang kinsa kanila ang labing importante.
Kon lisod gihapon, adto ka magtamod sa imong listahan. Apan kini sab gung higayuna, kay batan-on paman kaayo ka, posible nga ang imong sugton di maoy imong makauban in the end kon dunay gitaganang laing kanimo ang Ginuo. Sa ginaingon pa, kon kana maoy nakasuwat sa imong palad, lisod na kining likayan.
NOY KULAS
kulassuper@sunstar.com.ph