GIBUTYAG ni Mandaue City Mayor Luigi Quisumbing nga nakadawat og hulga ang eco-wardens nga nagbantay sa ilegal nga gilabay nga basura sa Barangay Tingub sa milabayng semana.
Matod ni Quisumbing, ang insidente nakapa-trauma sa iyang mga eco-warden kinsa nibantay sa dapit sa padayong paghakot sa basura nga ipabalik sa dakbayan sa gigikanan niini.
“While they were keeping watch over the area where the basura is being pulled out, a black Pajero arrived at the scene and opened their window and door to show nga daghan kaayo silag pusil sa sud,” matod ni Quisumbing.
Dugang niya nga ang armadong mga tawo nangita ug usa ka opisyal sa City Environment And Natural Resources (Cenro) ug sa dihang gipahibalo nga wa dinhi ang opisyal, nipasutoy kini ug palayo.
Matod sa mayor nga tu-ngod sa kahadlok, nalimtan sa mga eco-warden pagtimaan sa plate number sa sakyanan. Padayon gihapon ang ilang koordinasyon tali sa command center aron makita sa CCTV ang plate number sa sakyanan ug sa kapulisan.
Matod ni Quisumbing, gibalhin na nila ang mga eco-warden ug laing dapit ug gipabutangan nila og pulis ang dumpsite sa TIngub.
Padayag niya nga karong semanaha mopasaka na ug kaso ang kagamhanan sa dakbayan sa mga nipaluyo sa iligal nga paglabay sa basura maong dapit nga kilid sa sapa.
Giangkon sa mayor nga ubay-ubay nga mga problema ang ilang nasugatan sa pagkuha sa basura sa dapit.
“Unfortunatley there are some problems that we’ve encountered ilabi na sa processing. This is something that we need to work out ilabi na sa inter- agency cooperation,” dugang ni Quisumbing.
“This is really becoming a very complicated problem. We even fear that there is some collusion between some people. Ultimately, we are confident that this will be resolved in time,” dugang niya.